மனிதத் துயரமே மது பழக்கம்!
துன்பக் கடலில் மூழ்கும் மது
இன்ப மென நீந்தும் மதியோ!
உன் உயிர் நிலை கெடுக்கும்
தன் வழி தானே தடுக்கும்.
தடைகள் நீங்கி தவம் வளர
மடைகள் திறக்கும் உள் நுழைவு
இடை யிடையே ஆய்வுத் தொடர்
படை கொண்ட படிவ படிமலர்ச்சி.
நினைவு நாளும் கவ்விடும் நுட்பம்
உனை காணும் சதி வழக்கு
மனை பொருள்கள் சேகரிப்பு சேவை
ஏனைய யாவும் ஊரில் ஊறுமா!
நல் மையம் நலம் மிகும்
பல் லுறுப்பு படராய்த் தொடர
நில் கவனி செல் அமைவே
வல் லூறும் வடிவம் பெறும்.
உள்ள தொரு அகக் குறியீட்டில்
வெள்ளைத் தாமரை வீதி வழி
பள்ளம் மேடு கடந்த ஆண்டுகளில்
எள்ளி ஏற்று பேசியதே மொழி.
நல்ல தொரு பழக்கம் நாளடைவு
அல்லவை நீக்கி ஆனவை பெற்றிடும்
வல்லிய மெல் லிடைப் பார்வை
இல் லாள் மலர்ந்திடும் வீடு.
பண் பாடும் பாடல் புரிந்த
உண்மை நிலை அறிந்தே ஏற்கும்
ஆண்டாண்டு கூடிய தொடர்பு படிவமே
கொண்டாடி மகிழ்ந்தவை ஆக்கம் தரும்.
இன்னும் பல சில சமயமே
நன்று நின்று நிலைத்த சொல்லில்
ஊன்றி படித்த பண்பாடே கணிப்பு
அன்றன்று தொகுத்த தொடரே மொழியாம்.
